3ª EVALUACIÓN -- LLIENDES DE L.LENA

Los corales de La Fonte la Rasa.

Efectivamente, siempres intrigó a los paisanos y vaqueros de la zones una lleenda bien enraigonada nestos pueblos na confluencia del valle del L.lena col del Güerna: Campumanes, El Reúndu, Tiós, Zurea, Vatse... Cunta la voz oral que cierta preguera apacentaba tranquila los sos ganaos por aquellos bucólicos altos predresos, cuando sópitamente dos carneros engardir en encarnizada engarradiella, hasta'l puntu romper colos sos estrueldos el silenciu de les caliares.

Asustada la pastora pola griesca, quixo dixebrar a los carneros obstinados en tan cornuda engarradiella, polo que baxó del visu col so cayada pa intentar desentsurdiatsos (dixebralos) de la engarradietsa (l'agarrada), a muletazos si fuera necesariu. Solmenaba testerazos a unu y a otru contrincante na cornamenta, pero siguíen ellos cada vez más obstinados en demostrar quién yera'l más fuerte y, arriendes d'ello, el que mandaba nel fatáu.

Y llegó el desenllaz tráxicu, na versión de los paisanos: obcecados como taben los carneros en baltar fastera embaxo al contrincante, y ayena al peligru del pozu, como taba la pastora ilusionada en dixebralos, engabitaos pola cornamenta retorcigañada, rodaron los dos machos sobre l'abertura del resquiebru,  de la qu'abasnaron al abilsu de camín a la nueva ninfa de la peña.

La resultancia foi que tamién ella se bastió al pozu, mientres un ruiu trupo de cuerpos y de piedres retumbando apagábase adulces ente les parés caliares del abilsu. A los pocos díes apaecíen los corales y les perlles del collar de la pastora nes agües cristalines de La Fonte la Rasa: una fonte sol pobláu del mesmu nome, xusto al pasu del camín real del valle por La Vega’l Rei.

TRABAYAMOS UNA NOTICIA

Los llagareros que faen sidra d’escoyeta tornen a apostar pola primer sidra del añu.

La sidrería Villaviciosa, en Gascona, va ser la sede esti llunes de la primer preba de los llagares que faen sidre baxo’l certificáu de mazana seleicionada. Tres l’ésitu del añu pasáu, éstos tornen a apostar pola primer sidra de l’añu.

Peñón, Foncueva, Muñiz y Trabanco son los llagares que van presentar el so productu nesta primer mesa de preba de sidra cola fin d’algamar una calificación de notable y, poro, el certificáu de calidá que-yos permite vende la so sidra baxo la etiqueta de sidra d’escoyeta. Espertos, chigreros y aficionaos a la sidre componen esta mesa que va reunise per vez primera nesta campaña na sidrería Villaviciosa, en Gascona, el llunes a les 19 hores.

La novedá d’esti añu, décimu nel que va salir al mercáu sidra baxo esti certificáu de calidá, va ser l’adelantu de la fecha de celebración de la mesa de preba al mes de marzu. L’añu pasáu yá s’adelantara esta fecha cola intención de recuperar la tradición de sacar la primer sidra del añu, ensin trasiegar, al mercáu col entamu la primavera. L’ésitu algamáu lleva agora a los llagares que conformen l’Asociación de Llagareros de Sidra d’Escoyeta a apostar fuerte por esta sidra tan habitual nos chigres asturianos nun hai tanto tiempu.

Otra manera, los llagareros que conformen l’asociación van celebrar el décimu aniversariu d’esta sidra fecha namái con 20 variedaes escoyíes de mazana asturiana con una serie d’actividaes que van adelantar el llunes n’Uviéu nesta primer mesa de preba.

-¿qué?: La sidra.
-¿quién?: La sidreria de Villaviciosa
-¿cuándo?: Esti llunes
-¿como?: Comprando mazanas pa molelas y prensalas.
-¿ónde?: En un l.lgar
-¿por qué? Porque baxo el certificau de calidá.

Resumen.
Que van a xuntase tolos dueños de los l.lagares pa facer la sidra con mazana que tien certificau de calidá y luego tienen que dayoslo a probar a chigreros y aficionaos dela sidra a ver que opinan.

Opinión.La mi opinión ye que faen bien a si dan a probar a tol mundo la sidra que faen .

Xera -- comentamos un videu

Video prestosu
Esti ye'l vídeu d'una película vieya qu'agora sacaron tornada al asturianu. Ye mui prestoso sentir esti clásicu na nuesa llingua y amás dámonos cuenta de cómo podemos emplegar la nuesa llingua en cualesquier contestu ensin complexu ningún.
Como vos digo ye un clásicu de los años 90 pero entá tien actualidá y pue comparase a cualesquier peli de comedia yo diría que da la mesma risa o más.
Nun se sabe por quien ta tornao al asturiano pero ta muy orixinal y anímovos a que la veais que ta muy prestosa.